Premiata una poesia “horror”

Elena Giacometti vince, a pari merito con Marco Rodigari, il premio speciale “giovani poeti”. Presentate 29 poesie al Concorso di Poesia dialettale per la Provincia di Sondrio, Valposchiavo e Val Bregaglia.

Edi, la me gamba da len!
Poesia in dialetto di Soglio (Bregaglia)

L’om da Edi l’era vel e magagné
parfìn senza gamba l’era rascté.

Taiéda davent senza tanta finezza
i vean pö mess sü üna sciort da salvezza:
üna gamba da len facia sü e la buna
ca par ün quai agn vea tegnì in pé la persuna.

L’era ün invern da qui long e balòss
l’éra ün frett mosctar, ca at va ent pai oss.

L’om da Edi l’era mort in miseria e malé
ma Edi l’era viva, suletta e cun tant da fé.

Al vent al sciulea, al bofea ün’aria mosctra
la lena la manchea, l’era ura d’andé in corza.

Va e cerca du frésca, ün’ascetta o ün rocett
ma nagot saltea fo in quel löc maledet.

Pensa e machìna, al gelt al rivea
e vdé tüt quela nef al barboz ai tramlea.

Ün’idea ün po balurda ai era gnìda cun panzé
par mia patì trop, l’era pür da s’ingiagné!
Va sül palancin cul cor ca’l bat fort:
la vea decis da pizé al föc cun la gamba dal se om  mort!
„Chèr al me omett, ér üscìa tü’m vegn bun!“
panzea la donetta cun ün zic da magun.

Taia gio la gamba, met da banda la trisctezza
ca al chéldin da lan flamma l’era tanco üna carezza.

Gioddré’l föc e ciapé ent chélt la donna s’imbadenta
ma dopo ün po, stracca morta, la pora Edi s’indrumenta.

Tüt d’ün colp e mézanöcc vargot as sent piché,
quel Edi as descda fo e ve ca al föc as se scmuranzé.

Truscia ent ün zic lan cendra cun al tizun
e quand ca’n po sur i trév as sent clamé ün vusciun:
„Edi, la me gamba da len!“

E la donna ai gela al sanc, as zoppa ent ün cantun
e intänt as sent turna piché e clamé pü fort al vusciun:
„Edi, la me gamba da len!“

Toc, toc, toc, toc…
lé l verz da la gamba ca pica giò sott!

„Oh chér Signur, lé gnì fo ün bél casott!“

Pochi dì dopo i troan Edi morta ent la se cà.

Tüc i dan la colpa el fret, ma nuältar al parche m’al sa già.

Varün vea ér avdü ca el corp dal se om manchea la gamba
ma méi pü i vessan credü e üna sctoria uscì sctramba!

La prümavera l’e turnéda e par ün schérz da la sciort
ent al lisctess böcc bél gioddré ien giü sebulì i dui mort.

Ulteriori informazioni su: www.altarezianews.it