Inciö ie vöi av infurmär sünt ün cuncorz ca ’s pò fär ent l’Internet

Quii da Bio Suisse, par fär avdeir ca lan vaca tagnida ent lan azienda biologica la fann üna vita sana, l’àn la pussibilità d’indär sül pascual e la ponn caminär tant, i àn scegliü 10 vaca da diversan regiun da la Svizzra e ai àn dac ün GPS.




Cun quisto strument i avdarann quala vaca ca la varà fac par prüma 42.195 km ca i curispondan e la distanza da la maratona.

Infin ei 26 da mag as à temp da partecipär el cuncorz, vutand par la vaca ca ‘s penza ca la vinciarà. Davent dal 27 da mag i registrarann quanta sträda ca lan diferenta vaca la varann fac e ci ca vinciarà.

Üna vaca da l’Alfonsa, al Peter e l’Arvin l’é gnida cernüda e la parteciparà el gioch. As clama Vita e l’à tre agn. L’ann passaa l’à fac al se prüm puscin e issa l’à üna gran vöia da turnär sül pascual e mangär l’erba fresca.

S’u vé vöia da partecipär e vinciar magari üna vacanza bio, u pudé indär sot:
www.kuh-marathon.ch

Ie augur e tüc bun divertiment e forza ca varün guadagna la vacanza bio!

Renata Giovanoli-Semadeni