Al Diziunari
La festa l’é passäda, al Diziunari l’é gnii presentaa al 21 d’otobar. As à fac ün grand plasgeir avdeir inscì tanta gent ca, malgrado al bel dì d’atonn, al bun caldin e i calur da lan föia, l’é gnida or la palestra da la Stampa par där ement e par festegiär la presentaziun dal Diziunari dal Luigi Giacometti.
Issa an é ün ent tüt lan ciäsa e cun al temp ca ‘s é vultaa sül brüt, tanci i varann temp da legiar…
Ie sper ca tüc i trovan vargot d’interessant e ca i letur is ragordan tanci bii mument passaa forza sünt i praa, fagiand i laureri ca ‘l Luigi al descriv.
Ma ie ‘v augur er ca u possas fär belan riüda, incusa ca l’é sucess e ie tantan volta intant ca ie rilegiäva lan pagina e lan parola, anca dapü sa ie panzäva e l’om seri e riservaa ca ‘l lan veiva scricia.
Forza ca e varün ai vegn vöia da scrivar ün cument o ün ragord o magari er üna storieta.
Am fagess plasgeir, sa ie pudess metar vargot da növ sün quista pagina!
Renata Giovanoli-Semadeni
Commenti recenti