La filastroca dal’orz

Quista l’é üna filastroca cun dumanda e rasposta ca ‘m quintäva sü e scolina. Ün fanc (l’orz) al stäva in mez, i altar i formävan ün cercal etorn e lü. Quii etorn i fageivan lan dumanda e l’orz al mimäva lan atività e al däva lan rasposta. E la fin al gniva ora dal cercal e al proväva e mangär varün; quel l’era al prossim orz.



Orz, orz cosa fat?
Ie sun dree e cavär al camp.
Orz, orz cosa fat?
Ie sun dree e samnär al gran.
Orz, orz cosa fat?
Ie sun dree e bagnär al camp.
Orz, orz cosa fat?
Ie sun dree e tör gió lan panochia.
Orz, orz cosa fat?
Ie sun dree e masnär al gran.
Orz, orz cosa fat?
Ie sun dree e cösgiar la pulenta.
Orz, orz cosa fat?
Ie sun dree e trusgiär la pulenta.
Orz, orz cosa fat?
Ie sun dree e svöidär la pulenta.
Orz, orz cosa fat?
Ie sun dree e taiär la pulenta.
Orz, orz cosa fat?
Ie sun dree e la maiär!!!

As pò fär al giöch er cun ün fancin ca ‘s tegn sül scoss, e la fin as fa fencia da mangär al fancin…